|
| 今日同阿媽,家姐,姐夫, 同埋外甥去左黃埔食飯, 我個外甥都成三歲啦, 佢好鍾意同我玩, 可惜我病病地, 都乜心機同佢玩 呢幾日都唔係咁舒服, 訓得唔係幾好, 成日都好游雲咁 | | |
| 今個中秋節跟左WILLIAM上賭船玩, 不過我唔賭既, 所以其實都幾鬼悶, 不過跟住佢可以食到D好野囉, 咁大個仔第一次食好似烏冬咁粗既魚翅... 果晚本來係陰天, 應該睇唔到月光, 不過出到公海, 出奇地睇到個好靚既月光, 好光好亮好大個... 可惜陪我睇月光既人並唔係自己既意中人丫 | | |
| 今個星期六係自從無拍拖以來重新過既生活, 其實應該話過返我以前應該過既生活者, 星期六下午Kelvin車左我去赤柱食飯, 跟住去左中灣行左陣, 嘩...件件都係豬扒,嘔... 跟住車左我去素碼港行左陣, 跟住就去西區打波 好耐無打波啦, 當我投入球賽既時候的確可以忘記好多煩憂, 不過太耐冇打啦, 失左好多分, D手腳唔多協調, 打完之後雙腳好似唔係自己既咁... 好多謝D波友, 佢地好關心我, 多謝Brandon支寶礦力... 打完波之後去左Brian So既生日Party, 佢最鍾意安排玩D集體遊戲, 今次都唔例外, 估唔到又咁岩抽中我個名要出去玩, 遊戲係兩PAIR人鬧快將一塊冰由自己PARTNER既左邊褲腳送到過右邊褲腳, 我就係俾人擠塊冰入我褲腳果個囉... 不過我著既係短褲, 重要係over size, 非常容易就過左關, 哈哈... 不過d人話唔公平, 要換人玩過喎, 結過輸左囉... 咁就過左一日, 星期日成日係屋企訓訓訓...訓到五點幾約左Kelvin出去幫佢買D野, 同佢傾左陣, 就返左屋企啦 | | |
| 今日覺得好開心, 朝早好似無咁熱, 所以我中午同左KENOSN & SHARON食飯 | | |
| 星期六我睇過西醫, 醫生都係開一D抗生素, 止痛藥俾我食啦, 重打左支針TIM, 打完之後話都冇咁快, 成個人都暈暈地, 即刻返屋企訓覺先。 跟住有朋友黎探我, 佢係醫科畢業生, 佢同我講其實我應該係唔需要食抗生素既, 咁我信下佢唔食D藥, 淨係食喉糖囉, 係好辛苦架, 不過死忍難忍, 忍到星期一朝早, 終於冇咁痛啦, 好返都有7,8成......多謝晒呢位朋友既建議 | | |
|
